Google 於1998年成立，
而Jeff Dean係由1999年加入當時只有20人嘅Google
至今已經經歷咗19年啦，見證咗公司大部分嘅歷史
Dean可以話係Google最有代表嘅元老之一
喺Google嘅咁多年入面，Dean負責咗多項重要業務
專注於深度學習同AI科研團隊嘅Google Brain、
Google廣告系統、Google Search system 依啲通通佢都有份創建㗎！
▲Jeff Dean 係成個Google、矽谷，甚至電腦科學 (Computer Science）界嘅頂尖人物
Jeff Dean喺1999年加入Google，成為Google第二十名員工
當時，Google仲係一間樓上辦公室，員工要喺用嚟娛樂嘅乒乓波枱上面食飯
啱啱加入嘅時候，Dean第一個主要工作就係創建Google嘅廣告系統Adsense
Google Adsense 係Google嘅一項廣告播放計劃
簡單嚟講就係比網站負責人租出網站內嘅一啲位置比Adsense放廣告
當有人透過你嘅網站點擊廣告，就可以賺到收入～
▲Google Adsense 係依家所以網站廣告嘅原型，可想而知佢嘅重要性！
之後，Jeff Dean又用左4、5年時間開發Google Search System
將所有可以搜尋到嘅所有嘢集中去一個索引當中
並令佢成為一個可以迅速回應用戶提問嘅系統
令Google成為咗依家咁優秀嘅搜尋引擎公司！
2011年，Jeff Dean加入「X 秘密實驗室」(X Company) 開始研究AI深度學習技術
「X 秘密實驗室」係由Google運行嘅秘密實驗室
當中嘅計劃項目包括無人飛機、Google Glass等…
2012年至今，Jeff Dean成為Google Brain團隊負責人，負責推進機器學習同AI系統嘅發展
Google Brain 共有118名研究員，佢哋關注嘅領域包括:
擴建大規模機器學習計算系統、研究高級機器學習技術、基因、健康、感知等領域
希望可以令機器擁有智慧，改善人們嘅生活！
因為Jeff Dean實在太犀利啦
IT界亦出現咗好多金句嚟講究竟Dean有幾勁
不過依啲句子都要對Programme有一定嘅認識先會理解到
例如: Compilers don’t warn Jeff Dean. Jeff Dean warns compilers.
(編譯器並唔會對Jeff Dean作出警告，係Jeff Dean警告佢哋)
(當你寫嘅code出現錯誤嘅時候，編譯器會對你作出警告，但Dean仲勁過編譯器，可以警告返佢哋添)
Jeff Dean喺AI界嘅貢獻實在太多啦
所以話，講到Google AI 同Machine Learning，真係唔識佢唔得！
如果大家有興趣可以睇下Jeff Dean網頁了解更多㗎!
–
相關文章:
【機器學習嘅有趣應用？】
【透過指尖可分析喜怒哀樂？】
【AI監視器幫手捉賊仔！】
【AI app預測到你有幾長命?】