近來，好多公司都致力於發展AI、Machine Learning等領域
令到好多人工智能嘅應用程式誕生咗
例如訓練AI行路、玩遊戲、捉棋等等
今次我哋就為大家揀咗三個Machine Learning嘅精選應用，希望可以吸引到大家！
1) AutoDraw
Google推出嘅「AutoDraw」係為淨係識畫火柴人嘅人而設
只需簡單勾畫幾筆，「AutoDraw」就可以辨認到我哋所畫嘅物件
再提供一啲相關建議，即使我哋手殘，都可以畫到啲好靚嘅畫出嚟！
「Auto Draw」首先邀請咗各地嘅藝術家繪畫大量物件
再配以Machine Learning嘅技術作分析同訓練
當我地使用「AutoDraw」畫圖嘅時候
AI就可以分析資料庫，猜測出我要畫嘅物件
再提供相關選項，幫助我哋完成畫作
如果有興趣可以睇下官方介紹影片:
「AutoDraw」手機或者電腦都玩到㗎，你哋都快啲試下啦！
https://www.autodraw.com/
2) Lyrebird
Lyrebird (琴鳥) 擅長模仿周遭的聲音
依個應用就以依種鳥類為名，可以複製聲音，模仿你把聲！
透過Machine Learning嘅技術
大家只需要喺「Lyrebird」網站朗讀至少30句句子，並錄製一分鐘
系統就可以分析並複製你嘅聲音
並用你把聲音嚟讀出任何句子，唔止音色、連語調都好相似！
▲只需按指示讀出並錄製至少30句句子，系統就可以複製你嘅聲音
為咗模擬出一個品質較好嘅音檔，建議大家錄音嘅時候搵一個安靜，冇太大回音同雜訊的環境！
「Lyrebird」雖然目前只支援英文版本，但大家都可以試下㗎！
小編都試咗啦，真係好過癮
https://lyrebird.ai/
3) NVIDIA的圖片自動修補功能
NVIDIA係一間以設計圖形處理器為主的半導體公司
近日，佢哋發表咗一段影片，展現咗新研發嘅「Image Inpainting」技術
可以將原來圖片中嘅空白位置作自動填補，修複照片！
▲AI可以自動填補圖片中的空白位置，重建影像
研究人員利用Machine Learning，訓練AI辨別圖片主題
再利用大量有殘缺嘅圖片作訓練，令AI可以自動填補空白位置嘅，進行修復
▲即使圖片大部分殘缺，AI仍然可以自動填補，重建完整的影像
不過，NVIDIA團體目前仲未公布依套軟件嘅推出日期
大家可能要再等多陣，先可以知道更多資訊啦！
更多示範可以睇下NVIDIA團體嘅官方展示影片:
–
其實Machine Learning涉及嘅範疇真係十分之廣泛
今次為大家帶來幾個有趣嘅小應用希望可以吸引到大家
如果大家有興趣，下次再為大家講解下Machine Learning嘅資訊！
Cr: AutoDraw, Lyrebird, NVIDIA