冇一個企業係會滿足於現有嘅客戶。 諗深啲都會發現，招攬新顧客比起刺激舊顧客回購其實難度更高，所以擁有更多顧客未必係最理想的情況；準確啲講，其實企業係想從呢啲顧客中創造更多收入，而唔係希望無休止咁拉攏新客戶，做為老闆嘅你，最終目標應該係令你嘅大多數顧客願意主動一次又一次咁翻黎你身邊。
事實上，留住舊顧客同吸引新顧客相比節省成本之餘可以更輕鬆地提升收入。數據顯示，要獲得一個新顧客嘅成本一般比起留住一個舊顧客高出五倍之多。與此同時，忠誠嘅舊客戶其實更有可能推薦你嘅品牌比親友、回購你現有嘅産品同嘗試你推出嘅新産品添！只要保留5%嘅現有客戶，你嘅利潤甚至可以飙升到45%架。
想要成功留住舊顧客，你就一定要了解會員經濟（membership economy）呢個concept啦！無論各行各業，保留忠實客戶都係促進銷量最為有效的方法之一。其中，獎勵營銷（reward marketing）係留住客戶最簡單嘅策略， 商家為顧客提供優惠折扣以鼓勵顧客回購同時回饋顧客的忠誠。試諗吓你翻工放工途中每天都會路過嘅咖啡店、你同朋友最鍾意嘅聚腳地或你屋企附近嘅連鎖商店——其實你都好可能係某個企業、某個忠誠系統（loyalty program）嘅會員。Visa贊助嘅一項研究發現，超過八成消費者表示忠誠系統可以有效地鼓勵佢哋繼續喺相對企業消費。
以喺香港超過150家分店的連鎖咖啡店Starbucks為例，相信大家對佢哋嘅會員系統一啲都唔陌生，Starbucks的忠實客戶比起一般客戶消費多三陪，同時Starbucks嘅忠實會員人數平均每年以18%嘅速度不斷快速增長。究竟Starbucks係點做到架呢？
咩叫獎勵營銷？
我哋由最基本嘅開始啦。當你為顧客提供獎勵， 無論係小折扣、一份小禮物或者一張會員卡都好，其實你已經踏出左獎勵營銷嘅第一步啦。以下係幾種忠誠計畫的常見例子，大家可以參考下邊一款啱你嘅企業。
會員卡
講起忠誠計劃一定會聯想到會員卡，可以係傳統的實體卡、或者依家開始流行嘅虛擬會員卡、甚至兩者同時兼有都得架。呢張卡可以激起顧客嘅品牌意識，從而培養顧客對企業嘅忠誠度。 會員制度之上你同時可以套用一系列獎勵營銷技巧，例如給予特定嘅會員優惠，你可以根據會員嘅個人喜好、忠誠程度等等分類顧客，更加可以配合推送通知（push notification）或電子郵件推廣，通知特定會員特定的優惠，達至最有效的宣傳。
外國一間小衆公司就係將呢個方法付諸實行：刺猬皮革製品公司（Hedgehog Leatherworks）容許顧客參與産品開發嘅每一步，以確保産品符合顧客需求。佢哋更架喺自己網站上特別指明，産品只對電子郵件訂閱用戶開放，從未公開出售。呢種模式聽起黎可能過於極端，但係其實只對忠誠嘅客戶提供有限時間的優惠，可以令你嘅顧客感到被重視，亦可籍此獎勵你最忠誠嘅客戶。
積分制度
積分制度都係最常見嘅忠誠系統之一， 只要於指定店舖消費一定金額後即可獲得積分，呢句野係咪好似耳熟能詳呢？積分制度一般以回報作誘餌，推動顧客積累忠誠程度 ，積分形式不限，印花、印章、分數，隨你所好。當顧客儲滿一定積分，即可兌換獎勵。從商家嘅角度出發，只需付出一件免費商品或者提供一個折扣就可以承諾多次消費，抵到爛啦！
以上提及到嘅Starbucks獎勵計畫其實都係咁運作架咋，只要喺Starbucks消費滿$25即可獲贈一粒星星，儲滿一定數量就可以升級成為金卡會員，獲得更優惠嘅待遇，當中包括免費升級飲品、免費生日蛋糕等等，就係呢個營銷策略令咁多人選擇不斷幫襯Starbucks啦。
限時優惠
提供限時優惠都可以增進顧客對品牌意識（brand awareness）架！做法好簡單，以短信或者電郵送贈折扣代碼（discount code）甚至優惠券（coupon）比熟客就得啦。好似Boohoo.com咁呀，佢哋係一個服裝品牌，不時喺網上推出限時優惠，每當佢哋即將開售嘅時候，佢哋盡可能以所有方式通知潛在客戶（Leads）。 儘管佢哋成日都舉辦類似嘅速銷，但佢哋都表示一直以黎都可以持續地睇到良好嘅效果，由此可見，以優惠獎勵嗰啲留意店舖動向並願意立即行動嘅顧客係work嘅！
睇左咁多，如果你覺得你想要建立自己品牌嘅會員經濟，就要留意啦！呢啲喺更為重要的步驟。
獎勵營銷計劃小貼士
1. 盡量保持簡單
記得唔好將你嘅獎勵制度過度複雜化，顧客好多時只希望知道佢哋可以做啲咩黎獲得獎勵。記得唔好比顧客等得太耐，佢哋嘅耐性係有限嘅。如果顧客覺得佢哋嘅忠誠係徒勞嘅，就可能會考慮選擇其他可以給予回報的企業 。 你要了解每位客戶嘅價值，並且喺財政上合理的情況下盡可能頻繁地獎勵佢哋。
2. 收集個人資料
忠誠系統嘅要點之一為務必收集客戶的基本資料。性別、年齡、職業、喜好可以令你了解自己的客戶組成；電話號碼和電郵地址可以供你日後聯絡客戶作推廣之用，你之後更可以將客戶分類（segmentation）為一次性客戶、普通熟客、貴賓等等，再決定實行對某個segment相應嘅營銷計劃。
3. 配合數據分析
客戶關係管理 （Customer Relationship Management）系統最重要嘅部分係佢嘅數據。系統可以紀錄顧客消費行為，讓企業深入分析客人市場運作模式，再作出回應。
獎勵營銷聽落好似好複雜，不過好彩嘅係，依家嘅科技令企業實施獎勵計劃比任何時候都要容易。客戶可以隨意於手機或電腦登錄你嘅網站或下載你嘅軟件查看帳號紀錄，商家同時可以於管理系統下載有關數據 。
暫時市面上有唔少各式各樣嘅客戶管理（Customer Relationship Management）系統，方便唔同規模嘅企業。作為專業的營銷技術顧問，Juicyapp可以為你提供協助，我哋為中小企業提供免費會員解決方案， 確保你的客戶有動力一次又一次地幫襯你，如果你想了解更多，可以喺到留低contact。