寫作係人類抒發感情嘅其中一種表達方式
有冇諗過依家連AI都可以擁有依啲情感，仲創作出一篇又一篇文謅謅嘅詩集？
／高山細的聲音
我可怕驚醒了你的兒聲
美麗的玉杯中露出來一縷煙
我們是監獄裡的人們／
節錄於AI原創詩集《陽光失了玻璃窗》－ 暮風在夜間追問
唔講都唔發覺，依啲咁有意境嘅詩句竟然係由AI創作？
▲2017年5月，Microsoft (亞洲) 發佈嘅AI「小冰」推出咗原創詩集《陽光失了玻璃窗》
《陽光失了玻璃窗》係人類史上第一本由AI創作出版嘅詩集
書本未經人類作任何潤飾，連錯別字都未有改正，係百分百由AI「小冰」原創出品！
▲《陽光失了玻璃窗》內頁
喺未推出之前，「小冰」曾經用過27個化名喺唔同嘅平台上發表作品
引起大量讀者討論，一直到出版詩集之前，大家都未有發現佢其實係一名AI
除咗「小冰」之外，日本亦曾經有AI創作出完整小說，並成功入圍咗文學獎添！
雖然最後未有獲獎，但單單入圍就已經比咗AI一個肯定
表示佢哋可以寫出一篇文筆通順，而且係言之有理嘅文章啦！
▲日本有部分AI創作微型小說投稿參賽，並入圍了「新星一賞文學獎」
眼見AI喺寫作方面有愈來愈多嘗試
日本電子書商Books＆Company就決定同國外大學合作
希望可以訓練AI達到專業小說家嘅程度，出版更多由AI創作嘅文學作品！
具體嚟講，依個計劃將會先為AI設定一個小說架構
經AI分析結構模式之後就可以創作出文章
中間要經過不斷修正，直到可以出版嘅程度
最後，再將依啲作品交由人類進行校正，之後先真正出版
該公司表示，依個寫作軟體目前正在研發中，尚未有作品面世
如果成功的話，AI寫作將唔再局限於小說
而且有可能會擴展到戲劇、遊戲劇本等更多寫作領域添！
－
係依家依個世代，AI已經逐啲逐啲融入咗我哋個世界
原本以為寫作依啲咁情感類別嘅專業係AI無法取代
估唔到AI原來都有咁強創造力
究竟咁樣會係溫暖咗，定係其實更冰冷咗呢？
Cr: Microsoft, Books＆Company
相關文章:
【將日本經典文學飲落肚？】
【 iPhone未來將取代門匙? 】
【透過指尖可分析喜怒哀樂？】
【AI監視器幫手捉賊仔! 】