「你有冇Yuu會員？」
只要你有出街買過嘢，呢句嘢你一定會聽過。Yuu獎賞計劃係牛奶公司同怡和集團合作推出嘅會員系統（Membership System）。呢十幾年嚟，香港都有唔少商戶推過會員系統或者禮品兌換系統，大至百佳「易賞錢」、7仔儲印花換日常用品、Starbucks儲星星、小至咖啡店買十杯送一杯嘅印花卡（Stamp Card）。近年，會員經濟更加係越來越普及，例如Muji嘅Muji passport、電訊公司HKT嘅The Club同新鴻基地產2019年開始、橫跨好幾間大商場嘅The Point等等，小編發覺真係行一行出街都會見到幾個會員系統呀！
Yuu點解咁多人用？
因為Yuu真係好方便，佢係第一個橫跨咁多品牌嘅積分系統，涵蓋超過2000間商店及食肆，包括惠康美心、萬寧、7-11、IKEA、Pizza Hut等品牌消費，務求畀香港消費者集中咁儲積分，換禮品。
牛奶公司仲落重本做promotion，食正曬師奶們「省得一蚊得一蚊」嘅心態，依家唔駛分開再拎好多張會員卡，而且大家仲可以同親友分享積分添，就咁贏左好多口碑（word-of-mouth）啦，所以咪大家唔認識都會聽過下囉！
Yuu點玩架？
Yuu係一個軟件上做嘅會員系統（app-based membership system）嚟，儲積分、換禮物都係電子化，可以喺一個app做曬。
任何人都可以成為Yuu會員，購物儲積分。申請時只需要留低姓名並驗證電話號碼就可以。Yuu玩法亦同樣簡單易明，消費$1就可以換取1分，積分可以用嚟兌換各式各樣嘅禮品同現金劵。
會員積分系統其實包括咗啲咩？
會員系統對用家嚟講係好方便，但背後有幾多嘢你又知唔知？以下係一啲常見嘅積分系統具備嘅功能同特點：
- 註冊系統：用戶填好曬個人資料，就即刻可以成為會員。如果商戶希望帳戶更安全，都可以加入OTP（One Time Password），之後每次登入都會收到SMS或電郵確認身份。
- 會員檔案（Customer Data Portal）：會員賬戶嘅詳細資料會保存喺一個自動更新嘅集中央數據庫，方便商戶隨時查閱。
- 積分系統（Point Sytem）：客戶可以透過唔同平台，例如網站同軟件，查詢積分又或者即時兌換獎賞，厲害嘅積分系統甚至可以實時（Real Time）更新。
- 會員等級（Membership Tier）：好多時，會員系統會將顧客根據忠誠度分成唔同等級，我地將呢啲等級稱之為Tier，越高級獎品當然越豐厚！
- 內容管理（Content Management）：Marketers可以隨時喺網站同軟件上面創造同編輯有關品牌嘅內容，亦可以發送推送訊息（Push Notification）俾指定顧客。
- 行動裝置友善（Mobile Friendly） ：好多時用戶都係用手提電話去儲分，而唔少商戶會用ipad呢類平板裝置去幫客戶登記或換獎賞，所以系統必須係Mobile Friendly。
- 支付系統（Payment System）：會員系統可以連結第三方支付處理系統，例如Yuu可以綁定八達通、恒生enjoy卡等，又可以係內置嘅俾錢功能，方便處理定時繳交嘅會員費，保存財務記錄、分配預算。
- 個人化市場營銷（Personalization）：根據用戶嘅行為、位置、活躍度等不同特性（Attribute）推送度身訂造嘅優惠，例如優惠碼（Promo Code）、限時折扣、贈品等等。
另外，唔少系統都可按客戶要求加入自訂功能，例如二維碼（QR Code）電子會員咭、電子優惠劵（e-coupon）等等，令會員系統更切合該行業嘅需求。
會員積分系統對企業嚟講有咩好處?
建立一個會員系統看似複雜，但個過程可以將顧客變成會員（customer to member），提升忠誠度，絕對係一項長遠而言非常值得嘅投資。等我地一齊嚟睇下會員系統有咩好處啦！
- 獲得資訊：都係嗰句，得數據得天下。以Yuu會員嚟講，成個牛奶公司旗下嘅零售餐食數據佢哋都可以一手掌握，足以有效分析客戶行為，擬定策略。
- 提升顧客滿意度：俾會員用特價、限時折扣或者早鳥優惠去買嘢，有呢啲小甜頭足以幫你氹掂佢地啦。
- 留住現有顧客：儲分換禮品，係顧客不停去翻同一間商戶消費嘅誘因之一。
- 增加收入：研究指出舊客比新客嘅花費足足高出67% ，所以留到越多舊顧客，理論上收入會越高。
- 追加/交叉銷售（Upselling & Cross-selling）：透過推送內容，進一步向顧客提供價值更高嘅產品或服務，例如餐廳裡面，推出只有會員先可以order嘅貴價套餐，又或者推銷額外產品。
- 口碑行銷（Word of Mouth Marketing）：大家都有試過問人借會員卡或電話號碼去買特別品牌嘅特價品啦！Yuu俾大家分享積分其實都係因為咁，呢啲都係機會俾更多人去認識品牌或者一個會員系統。
- 品牌知名度（Brand Awareness）：當你日日都聽到「有無Yuu會員」呢句說話，會員系統做到咁知巷聞嘅同時，你都會知道原來牛奶公司呢個集團旗下原來有咁多品牌。
我無Yuu咁大間 係咪就整唔到會員系統？
正所謂「大有大做，細有細做」，無論規模大小又或者各行各業，都可以簡單咁應用現有嘅科技去引入自家嘅忠誠系統（Loyalty Program）或者會員制度（Membership System），如果你想了解更多，可以喺呢到聯絡我哋。
參考資料：
yuu Rewards Club: Home How the Membership Economy can Reshape Loyalty – featuring Robbie Kellman Baxter [Interview]